Лицензия алу және (немесе) лицензияны қайта ресімдеуге өтінім

Қосылған: 09 қазан 2015 16:12, Жаңартылған: 20 шілде 2017 09:05

Лицензияны алуға құжаттарды қалай жіберуге болады

Атом энергиясы қолдану саласындағы қызмет және кіші қызмет түрлері

 

«Рұқсаттар мен хабарламалар туралы» ҚР 2014 жылғы 16 мамырдағы №202-V заңының 17-бабының негізінде және 29-бабына сәйкес атом энергиясын пайдалану саласында қызмет түріне лицензия және (немесе) лицензияға қосымша алу үшін ұсыну қажет:


1. Белгіленген үлгідегі өтініш (бар нысандардың бірін таңдаңыз);

 

2. Қызметтің жекелеген түрлерімен айналысу құқығы үшін бюджетке лицензиялық алым төлемін  растайтын құжаттың көшірмесін;

 

3. Біліктілік талаптарына сәйкес мәліметтер мен құжаттарды беру қажет.



Лицензиялық алым лицензия алу үшін төленетіндігіне Сіздің назарыңызды аударамыз,. Бар лицензияға лицензияның қосымшасын алу үшін лицензиялық алым төленбейді.


«Рұқсаттар мен хабарламалар туралы» ҚР 2014 жылғы 16 мамырдағы №202-V заңының 33, 34-бабтарына сәйкес лицензияны және (немесе) лицензияға қосымшаны қайта ресімдеу үшін мынадай құжаттарды ұсыну қажет:


1. Белгіленген үлгідегі өтініш (бар нысандардың бірін таңдаңыз);

 

2. "Электрондық үкімет" төлем шлюзі арқылы ақысын төлеуді қоспағанда, лицензиялық алым төлегенін растайтын құжаттың көшірмесін;

 

3. Алынатын ақпараты мемлекеттік ақпараттық жүйелерде қамтылған құжаттарды қоспағанда, лицензияны және (немесе) лицензияға қосымшаны қайта ресімдеу үшін негіз болған өзгерістер туралы ақпарат қамтылған құжаттардың көшірмелерін;

 

4. 34 бабына сәйкес лицензия қайта ресімделген жағдайда, біліктілік талаптарына сәйкес мәліметтер мен құжаттарды беру қажет.


Лицензия және (немесе) лицензияға қосымшаны алуға/қайта рәсімдеу үшін өтініш  құжаттар топтамасымен келесі түрдің біреуі арқылы жүзеге асырылады:

 

  1. қағаз түрінде ҚР ЭМ Атомдық және энергетикалық қадағалау мен бақылау комитеттің кеңсесі (Астана, 010000, Мәнгілік Ел данғ., 10, Министрліктер үйі, 15 кіреберіс, 718 каб., телефон +7 (7172) 741218)

  2. электронды түрде «электрондық үкімет» www.egov.kz, www.elicense.kz веб-порталы арқылы.

 

Лицензия алуға арналған құжаттарды Комитеттің кеңсесі арқылы берген жағдайда өтініштің түпнұсқасын беру қажет, ал барлық басқа құжаттар көшірмеде беріледі. Көшірмені нотариалды куәландыру қажет емес.

 

ҚР ЭМ Атомдық және энергетикалық қадағалау мен бақылау комитетінің пошталық мекенжайы:

Астана қаласы, 010000,

Мәнгілік Ел данғ., 10, Министрліктер үйі, 15-кіреберіс, 718-каб.

 

Лицензияларды алу, қайта ресімдеу сұрақтары бойынша келесі телефон нөміріне қоңырау соғыңыз:

8 (7172) 50-30-77

 

Біліктілік талаптарына сәйкес құжаттардың мазмұнын түсіндіру мәселелері бойынша мына телефондарға қоңырау соғыңыз:

8 (7172) 50-30-78 и 8 (7172) 50-29-52

 

Сақтандыру компаниялары сақтандыру жағдайларын (сақтандыру төлемінен бас тарту),  атом энергиясын пайдалану саласындағы қызметтің мәлімделген түрлері үшін қолайсыз радиациялық әсердің зардаптарын болдырмау туралы ережені қамтитын - радиациялық қауіп-қатерді сақтандыру бөлігінде міндетті сақтандыру шарттарының мазмұнына назар аударуды сұраймыз. Аталған ережені қамтыған сақтандыруға арналған шарттарды Комитет өтінім материалдарын қарауға қабылдамайды.

 

Лицензияны алуға және қайта ресімдеуге арналған өтiнiштер нысандарының үлгілері

 

Радиациялық қауіпсіздік саласында мамандарды дайындаумен айналысатын ұйымдардың тізімі